Já ég verð semsagt að vinna sem leiðbeinandi við Réttarholtsskóla í sumar og er að spékúlera í að hjóla bara í vinnuna. Heilbrigð sál í hraustum líkama. Hvernig er það annars, er Réttó nokkuð G2 (gettó á dönsku) þar sem menn eru skotnir fyrir strigaskóna sína? Ég nenni varla að þurfa að setja kapp í rassinn á mörgum í sumar - nóg að gera við að skrifa lokaritgerð og horfa á fótbolta og svona. Ömmi er auðvitað markmaður í Víkingi og ætli mest af þessu liði sé ekki ekki harðir Víkingar? Ég læt Ömma bara ljúga að þeim að ég hafi setið inni fyrir að berja saxófónleikarann í Jagúar til óbóta og þeim sé ráðlegast að fokka ekki í mér. Þetta verður rólegt og þægilegt sumar.

Jó! Mig vantar hjól til að komast í og úr vinnu í sumar. Er einhver til í að selja eða lána mér?

Ég sé Ljósið

Stundum skín ljósið á mann. Dæmi: sumarið 1993 komu út litlar myndir af leikmönnum þáverandi 1. deildar í knattspyrnu í pökkum - 10 myndir í hverjum pakka - og var þetta apparat kallað Rauða Spjaldið. Ég var nú orðinn þetta 16-17 ára og var því ekki alveg í markhópnum sem Rauða Spjaldið var að stíla inn á, en var bæði seinþroska og mikill KR-ingur. Ég ákvað því að smella mér á einn pakka af Rauða Spjaldinu - aðallega vegna þess að mig langaði í mynd af Þormóði Egilssyni, hinum eitilharða varnamanni Vesturbæjarstórveldisins. Líkurnar á því að Þormóður yrði í pakkanum voru mjög litlar - líklega u.þ.b. 1 á móti 200 - en ég lét slag standa, vatt mér inn í Boltamanninn á Laugaveginum og fjárfesti í einum pakka. Ég rölti út, reif pakkann upp og hver skyldi hafa verið á FYRSTU myndinni - tígullegur og eggjandi - annar en sjálfur Þormóður Egilsson. Í minningunni byrjaði sólin að skína þegar ég uppgötvaði hver var á myndinni. Það er líklega kjaftæði, en minningin er kristaltær og hlý.

Núna rétt áðan skein ljósið á mig og Kalla. Við vorum á MSN að ræða um NBA og ég spurði hann hvort Sýn ætlaði ekki örugglega að sýna fyrsta leikinn í undarúrslitarimmu Vesturstrandarinnar milli L.A. Lakers og San Antonio Spurs á sunnudaginn nk. Kalli tjáði mér að svo væri ekki - við rifumst og skömmuðumst í dágóða stund þar til Kalla datt það snjallræði í hug að hringja einfaldlega í Sýn og spyrjast fyrir um þessi mál. Satt að segja bjuggumst við ekki við miklum árangri af þessu símtali, en ofurhuginn Kalli lét vaða. Hér eru samræður okkar á MSN stuttu síðar (ég er Wesley og hann er Kobe):

Kobe says:
GETTU HVAÐ MAÐUR!!!!!!!!!!!!!!!!!!!!!!!!!!!!!!!!!!!!!!!!!!!!!!!

Kobe says:
THEY´RE SHOWING THE MOTHERFUCKA!!!!!!!!!!!!!!!!!!!!!!!!!!!!!!!!!!!!!!!!!

Kobe says:Ég hringdi í þjónustuverið

Kobe says:
Talaði þar við einhvern gaur...

Kobe says:
Hann fór yfir dagskránna.. og sagði: Því miður, næsti NBA leikur verður ekki sýndur fyrr en 7 maí...

Wesley says:
já.....

Kobe says:
Andskotinn sagði ég. Þið eruð búnir að sýna frá regular season nánast alla sunnudaga í vetur... Svo hættið þið þegar Playoffs eru í fullum gangi!

Wesley says:
já.......

Kobe says:
Hann skildi ekker tí þessu. Svo barst honum póstur meðan við vorum að tala saman. Hann var titlaður : Breytingar...

Wesley says:
NEI!!!!!!

Kobe says:
Fáránlegt maður!!!!!!!!

Kobe says:
Heyrðu, þar stóð: Landsbankadeildin bla bla bla... keilumót bla bla bla... og...........

Kobe says:
NBA körfuboltinn, SAS - LAL kl 19 25 sunnudaginn 2 maí

Kobe says:ég tók eitt gott öskur í símann!!!!

Wesley says:
MAGNIFICENTO!!!!!!!!!!!!!!!!!!!!1

Kobe says:
gaurinn hélt að ég væri vangefinn

Wesley says:
Karl - þú ownar!


Já. Stundum skín ljósið á boruna á manni - það er deginum ljósara.

Halló krakkar!!! Nú er ég að læra að það gengur ekki endaþarm. Í raun og veru hef ég eytt síðastliðnum 7 klst. í að velta fyrir mér svarinu við áleitinni spurningu. Þessi spurning víkur ekki úr huga mér og ég verð ei rólegur fyrr en svarið við henni er fundið. En erfið er hún, því get ég lofað ykkur. Spurningin sú sem sífellt leitar á mig er þessi:

What´s the frequency, Kenneth??????

Bjarna Fel listinn skreið yfir 500 undirskriftir í gær. Það er kúl en gæti verið betra. Ekki hika við að breiða út boðskapinn lömbin mín og börnin mín.

Það verður forvitnilegt að sjá hvernig Dönum gengur gegn Skotum í vináttulandsleiknum í kvöld - sérstaklega þar sem Thomas Gravesen, einn af þeirra betri mönnum, er meiddur. Gravesen verður einmitt í leikbanni í fyrsta leiknum á EM gegn Ítalíu þann 14. júní nk., og Baunarnir hreinlega verða að finna einhverja lausn á því. Hrikalegt að missa Gravesen í þessum skuggalega erfiða og gríðarlega mikilvæga leik á móti Grísboltunum. Ég sem var farinn að hlakka til að sjá hann lumbra á þessum slepjulegu mömmustrákum. Jæja, hann lumbrar þá bara á albinóa-Svínunum í staðinn. Úbbs! - albinóa-Svíunum átti þetta víst að vera.

Which Bob Dylan song are you? The Times They Are A-Changin'

Click Here to Take This Quiz Brought to you by YouThink.com quizzes and personality tests.

Var að lesa í dag að Johnny Rotten myndi helst kjósa Justin Timberlake til að leika sjálfan sig í væntanlegri kvikmynd um feril Sex Pistols. Justin ku hafa samþykkt það með því skilyrði að Rotten léti sig alfarið í friði á tökustað. Ef ég væri Justin myndi ég frekar setja það sem skilyrði að rassgatið á mér léti mig í friði á tökustað. Það getur nefnilega verið erfitt að vera Justin Timberlake þegar rassgatið á manni lætur mann ekki í friði á tökustað. Það þekki ég af biturri reynslu.

Málinu reddað! Ég hreinlega varð að finna annað lag til að fá á heilann og er ekki frá því að það hafi tekist. Til að ná þessu markmiði var eina ráðið að fara back to the basics - og þetta hefur alla tíð reynst mér vel í svona aðstöðu:

One for the money, two for the bitches
Three to get ready, and four to hit the switches
In my Chevy, six-fo' Rad to be exact
With bitches on my side, and bitches on my back

(Ain't No Fun (If the Homies Can't Have None) - Snoop Dogg)

Ég er búinn að vera með lagið "I Wanna Sex U Up" með Color Me Badd á heilanum í 3 sólarhringa. "Úff, það hlýtur að vera pirrandi!" kynnu einhverjir að segja. Ég er sammála. Lagið er reyndar gott - en öllu má nú ofgera.

Af katrin.is:

haha mér fannst bara svo fyndið af kjartani (einhver gaur) að biðja mig um þetta að ég verð eilega að setja þetta inn.. alla vega þá er þetta undirskriftalisti til að fá bjarna fel til að lýsa em (fótboltadæmi) í sumar.. þannig allir sem vilja fá hann eiga að skrá sig.. það veit guð að ég ætla ekki að horfa á neinn leik.. það er bara eitt leiðinlegra en fótbolti og það mun vera handbolti.. og áður en einhver kemur með einhver móral þá finnst mér leiðinlegt að horfa á badminton í sjónvarpi

Jæja - núna veit hún allavega hvað ég heiti.

You Are "Shit"!

What Swear Word Are You?

More Great Quizzes from Quiz Diva

343 búnir að skrifa sig á Bjarna Fel listann. Ég er að gera mér vonir um 1000 undirskriftir - en þá þyrfti ég líklega að fara með þetta í fjölmiðla, sem ég vil helst ekki gera. Jæja sjáum til. Leikurinn er að byrja. Áfram Liverpool!!!

"Miracle of Love"

Nafnið eitt er nóg. Þetta er félagsskapur sem ég myndi líklega falla eins og flís í rassagat inn í. Skil ekkert í Laufeyju Elíasdóttur.

Úff. Var að vakna upp af enn einni martröðinni, þeirri sem fæ iðulega nóttina fyrir leiki Liverpool og Manchester United. Þessi martröð gengur í stuttu máli út á það að ég er að reyna að komast á völlinn eða á einhvern pöbb til að horfa á leikinn (stundum bæði í sömu martröðinni) en það gengur ekki, ég fer á vitlausan völl eða vitlausan pöbb og fyrr en varði (fer á vertíð) er leikurinn byrjaður og ég orðinn viti mínu fjær, sveittur og í tómu. Þá vakna ég. Þetta er alveg ofboðslega óþægilegur draumur og ég veit að margir aðrir fá eins eða svipaðar martraðir reglulega fyrir stórleiki. Þetta þyrfti að rannsaka.

Frívaktin þakkar lesendum fyrir skjót og góð viðbrögð við undirskriftasöfnuninni. 222 undirskriftir hafa safnast á einum sólarhring sem er nú bara fínt miðað við að söfnunin hefur hlotið litla sem enga opinbera kynningu. En betur má ef duga skal! Ég hvet alla til að hvetja alla til að hvetja alla sem þeir þekkja til að skrifa undir. Mér líður eins og byltingarmanni. Nú svo vil ég bara óska lesendum gleðilegs sumars. Hvenær stóð sumardagurinn fyrsti síðast undir nafni? Það hlýtur að hafa verið fyrir daga útvarpsins.

JÆJA!!!! Nú þarfnast Frívaktin ykkar stuðnings svo um munar!!!

Ég var að enda við að búa til undirskriftarlista þar sem þess er krafist að Bjarni Fel verði fenginn til að lýsa leikjum í Evrópukeppninni í knattspyrnu í sumar. Ég vil vinsamlegast biðja alla lesendur um að skrifa undir og þá sem eru með bloggsíður eða annað slíkt að smella linknum inn á síðuna sína og vekja athygli á þessu góða málefni. Spread the word! Bjarni einfaldlega OWNAR!!!

Góðar stundir.

Kúl! Ég var tvöþúsundasti einstaklingurinn til að skrifa undir á þessum "Paul McCartney til Íslands" lista. Ástæðan fyrir því að ég var inni á þessari síðu er sú að ég er sjálfur að leggja drög að undirskriftalista. Meira um það síðar (nærbuxur).

Ætli besta heimasíða heims sé ekki fundin?

Nei nei bara nett spaug - auðvitað á ekkert að bojkotta Nonna. Nonni er of góður til að hægt sé að bojkotta hann. Mér fannst bara svo töff að segja "Bojkott Nonni! Bojkott Nonni!" eins og Buggin´Out í Do the Right Thing sagði alltaf "Bojkott Sal´s!", enda er ég lúði og nörd. Ég vil heldur ekki vera að segjast ætla að gera eitthvað sem ég veit að ég stend ekki við, eins og þessir vesalingar sem eru alltaf að þykjast ætla að hætta að reykja en endast svo bara í klukkutíma. Mætti ég þá heldur biðja um Hörð Torfa.

Jó. Var að koma úr prófi í SPSS sem er tölvuforrit sem er svo leiðinlegt að ég er að hugsa um að tala ekkert meira um það. Kennarinn vildi ekki segja mér hvað ég fékk í prófinu en stundi þó upp sér að ég væri "réttu megin við fimmuna". Það virkar fyrir mig. Ég hef aldrei á ævinni verið jafn fáránlega stressaður í prófi - skalf eins og lauf í vindi, prumpaði einu sinni og missti blöðin og pennann minn á gólfið margoft. Ég vona að þetta fari ekki að verða lenska hjá mér, því ég hef alla tíð hlegið og gert gys að fólki sem skítur á sig af stressi í prófum.

Nonni hafnaði hugmynd minni að nafni á Nýja Bátinn. "Bankabátur" varð fyrir valinu. Það hljóta allir að sjá að þessi nýja nafngift sökkar og stenst alls ekki samanburð við "Dúndurbátur", enda var Nonni hálf kindarlegur þegar hann tilkynnti mér þetta og bar það fyrir sig að "frúin" hefði ráðið þessu. Frúin Skrúin! Boijott Nonni! Bojkott Nonni!

Vont veður sem þykist vera gott veður er leiðinlegt veður. En það er svosem ekki til neins að gera veður út af því.

Grimm Sjúkheit!!!

Mikið var það ánægjulegt að heyra í Bjarna Fel í þýsku Mörkunum á mánudaginn. Ég hef það frá fyrstu hendi að hann sé nú reyndar hættur að vinna, enda orðið löggilt gamalmenni, en stökkvi öðru hvoru inn í "sérverkefni". Er þá ekki málið að stofna undirskriftalista til að fá hann til að lýsa leikjum á Evrópumótinu í sumar? Það er náttúrulega þjóðþrifamál að fá þessa goðsögn til að leysa Smúla, Adolf Hitler Erlingsson, Geir og co. af, þó ekki væri nema í nokkrum leikjum. Ef einhver kann að búa til svona undirskriftalista eins og er alls staðar á netinu núna út af þessu útlendingadæmi þá má sá hinn sami endilega hafa samband við mig. Þetta er vel gerlegt. Ég veit að við hugsum á sama hátt.

Ég gerðist djarfur um páskana og leigði mér vídeótæki. Sá þrjár myndir sem mig hefur lengi langað að sjá - Lilja 4-ever, Dirty Work og Biggie & Tupac. Allt eru þetta fínar myndir. Sérstaklega var ég nú hrifinn af Lilja 4-ever. Hreint út sagt viðbjóðslega góð mynd og þessi Lukas Moodysson virðist kunna sitthvað fyrir sér þrátt fyrir að koma frá Svínþjóð: Fucking Åmål og Tillsammans voru báðar mergjaðar og þessar þrjár myndir gerði hann á 6 ára tímabili. Snillingur. Dirty Work stóð undir væntingum og vel það - tvímælalaust með fyndnari myndum sem ég hef séð. Biggie & Tupac var líka mjög skemmtileg og áhugaverð, en mér leiðist alveg svaðalega þessi tilgerðarlegi tjalli sem gerði myndina. Nick heitir hann víst helvítið á honum og var jafnvel leiðinlegri í þessari mynd en í myndinni sem hann gerði um Kurt Cobain. Það er mér líka hulin ráðgáta hvernig hann meikaði að halda sér sæmilega rólegum meðan hann var að taka viðtalið við Suge Knight í fangelsinu. Myndatökumaðurinn var greinilega svo skíthræddur að hann titraði og skalf og mér gekk hálf illa að sofna eftir að hafa horft á þetta. Suge er skerí gaur og ég myndi ekki vilja hitta hann í dimmu húsasundi. Mætti ég þá heldur biðja um Hörð Torfa. Annars er ekki rass í bala að gerast og það er líklega þess vegna sem ég er að skrifa um einhverjar eldjökulgamlar myndir á vídeó. Jú annars!!! Tónleikar í kvöld á Grand Rokk þar sem m.a. Ríkið og Tony Blair troða upp. Mér skilst að það megi fastlega gera ráð fyrir miklu og góðu stuði. Það er næsta víst.

DAVID BECKHAM....

er hommi.

Laugardagurinn 15. maí verður sannkallaður stuð-dagur. Fyrsti leikurinn í Landsbankadeildinni, KR - FH, klukkan 17.00 á KR-vellinum og svo beint í Júróvisjón eftir leik. Þetta gæti samt farið illa. KR-ingar hafa í gegnum tíðina átt í erfiðleikum með FH-inga og Íslendingar með Júróvisjón. Hef eiginlega meiri trú á Arnari Gunnlaugs en Jónsa. Lái mér hver sem vill.

Rétt í þessu er gamli Indverjinn sem var sundlaugarvörður í Vesturbæjarlauginni fyrir margt löngu að ganga fram hjá Árnagarði. Það er gaman. Það er alltaf gaman að sjá fólk sem maður heldur að sé látið spranga um fyrir utan gluggann hjá manni - sérstaklega ef það eru Indverskir sundlaugarverðir.

Gott ef Tvíhöfði hét ekki ennþá Heimsendir og var á dagskrá á sunnudagseftirmiðdögum á Rás 2 þegar Kurt Cobain skaut af sér kálið - eða sprautaði það af sér, ef eitthvað er að marka þessa grein eftir þekktan offituhlunk sem fær þó séns því hann er KR-ingur. Hljómsveitin Cigarette hafði nýlega gefið út lag sem fjallaði um Kurt og Jón og Sigurjón vildu ekki vera minni menn en Cigarette. Þeirra óður til Kurt hljómaði eitthvað á þessa leið:

Sigurjón: "Black is black"
Jón: "That's right"
Sigurjón: "I want my baby back"
Jón: "Yeah"
Sigurjón: "Kurt Cobain is dead"
Jón: "He sure is!"

svo man ég ekki meira en lagið var magnað, sem og þættirnir. Útvarpsleikritin "Hotel Wolksvagen" og "Verkstæðismenn í Vanda" pissa líklega á allt sem þeir hafa gert síðan. Sérstaklega var episódið af Hotel Wolksvagen þegar Rúnar Júlíusson var í gestahlutverki gott. Þar hittu söguhetjurnar Rúnar af tilviljun í Þýskalandi þar sem hann var staddur til að halda tónleika í sjúkrahúsinu í Svartaskógi. Þessa þætti mætti að skaðlausu endurtaka.

Jæja. 10 ár síðan Kurt Cobain skaut sig í haus. Nirvana var góð grúppa.

Topp 5 - Bestu Nirvanalögin:

1. About a Girl
2. Lithium
3. Territorial Pissings
4. Aneurysm
5. Serve the Servants

Daginn áður en hann skaut sig hafði ég verið að hlusta á In Utero í fyrsta skipti í marga mánuði. Það er margt skrýtið í kýrhausnum, Höskuldur.

Eins og allir vita sem stigið hafa fæti inn á Nonnabita við Hafnarstræti er eigandi staðarins, Nonni, einkar laginn við að gefa bátunum sínum djörf og ævintýraleg nöfn; Skinkubátur, Lambabátur og Beikonbátur eru aðeins örfá dæmi um yfirgengilega hugmyndaauðgi Nonna á þessu sviði. En öllu má nú ofgera. Nonni virðist gjörsamlega hafa toppað sjálfan sig og farið nánast yfir um í flippheitum þegar hann skýrði nýjustu afurð sína á matseðlinum;

"NÝR BÁTUR"

Nýr Bátur er með Salami og Jalapeno og er helvíti góður. Ég stakk upp á nafninu "Dúndurbátur" við Nonna og hann tók barasta ágætlega í það sýndist mér. Ekki að það sé hægt að toppa "Nýr Bátur". Ég varð bara að reyna.

Halli og Laddi birtu nýlega topp 10 lista yfir fólk í heiminum. Ég varð snortinn og ákvað að einhenda mér í gerð topp 10 lista yfir Íslendinga. Listinn er svohljóðandi:

1. Kalli Bjarni

2. Þorgeir Ástvaldsson

3. Valur í Buttercup

4. Hemmi Gunn

5. Jóhann Helgason

6. Jón Páll Sigmarsson

7. Broddi Kristjánsson

8. Friðrik 2000

9. Bubbi Morthens

10. Gunnlaugur Briem

Ótrúlegt að CNN sé á undan DV með þessa frétt:


McDonald's 'flasher' arrested

Wednesday, March 31, 2004 Posted: 7:46 AM EST (1246 GMT)
Reykjavik, Iceland (CNN) -- The takeout window is for food, not flashing.

Police have charged a 59-year-old man with exposing himself while picking up food at a McDonald's takeout window.

Icelandic musician Gunnar Thordarson was arrested Wednesday after the second time he allegedly drove through the fast food pickup lane with his pants unzipped, exposing himself to a 19-year-old woman who was working at the window.

Police said the fast food flashing occurred two mornings in a row this week. In both cases, police said Thordarson had placed an order and exposed himself when he drove up to the window to pay for the food and pick it up.

Thordarson was charged with public indecency and breach of peace. He was released on bond and is due back in court on April 14.

Gunnar Thordarson has been one of Iceland's most popular song composers for the past 40 years. Thordarson has composed and recorded over 500 songs, including such enormous hits as "Fyrsti Kossinn", "Thitt Fyrsta Bros" and "Landid Fykur Burt". He has also composed music for films and musicals, and has overseen recording sessions and arranged music for countless records.

ANDSKOTINN!!!!!!!!!!

Nýja lagið með Buttercup er ÆÐISLEGT!

"Ég redda því
Ég redda því á morgun eða hinn
Ég redda því
Áður en ég drepst"

Hreinn unaður að hlýða á þetta. Ekki er þetta Valur sem syngur? Ef svo er hef ég gróflega vanmetið hann sem söngvara. Hingað til hef ég eingöngu gefið honum kredit fyrir að vera stjarnfæðilega myndarlegur, eggjandi og djúpþenkjandi hugsuður. Go Valur!!!

Ekki er það nú glæsilegt hjá manni:



create your personalized map of europe
or write about it on the open travel guide

En ég hef þó komið til Afríku, nánar tiltekið Marokkó. I bless the rains down in Africa, eins og segir í þekktri dægurflugu. Var samt skítþunnur og ómögulegur meðan á dvöl minni þar stóð. Þyrfti að kíkja aftur við tækifæri.

Survivor í kvöld. Ain´t no fun hangin´ round to be a millionaire - eins og segir í gömlu dægurlagi. Það eru teikn á lofti. Ég ætla að róa taugarnar með því að skella mér á sund.

Smellti mér á bíó í gærkveldi með Ölla og Himma. School of Rock með hinum geðþekka kómiker Jack Black varð fyrir valinu. Eitthvað var ég efins fyrirfram - hef enda sjaldan haft gaman að bíómyndum sem gera út á sniðuga krakkagemlinga (með örfáum undantekningum þó, t.d. Stand By Me og Zappa) - en sá efi hvarf úr huga mínum strax í upphafsatriðinu þegar Jack tekur eitt besta stagedive sem fest hefur verið á filmu. Eftir þetta frábæra atriði vex myndin við hverja raun og við vorum allir þrír sammála um ágæti myndarinnar í leikslok - hún er í rauninni bara öldungis frábær og eitt þægilegasta surprise sem ég man eftir í seinni tíð. Ég gef henni 4 stjörnur af fjórum mögulegum og sting um leið upp á framhaldsmynd: "School of Fusion" með Gulla Briem í aðalhlutverki. Einhverra hluta vegna finnst mér góð tónlist aldrei hljóma betur en í myrkvuðum bíósal. Ímyndið ykkur upphafstónana úr Garden Party skella framan í ykkur á full blasti meðan Gulli fer hamförum á settinu - taktviss, tignarlegur en þó um leið fullur kynþokka. Ég fæ gæsahúð við tilhugsunina.

Það er ekki góð hugmynd að vakna á mánudagsmorgni og háma sig heilan djöfuldóm af hlaupköllum áður en haldið er í skólann. Mig svimar, ég svitna og eftir einn skitinn kaffibolla er mig farið að flökra líka - líður svona svipað og á laugardagskvöldið þegar ég heyrði Júróvisjónlagið. En reynslan hefur kennt manni að setja ekki fram sleggjudóma eftir fyrstu hlustun.

Yowsa!!! Magnaður Survivor í kvöld. Skeit Lex á fótinn á sér með því að svíkja Colby? Er Ethan næstur út? Verður keleríið milli Rob og Amber þeim að falli? Hver í fjáranum er Alice? Þetta All-Star dæmi er ekki svo slæmt eftir allt saman. Ég er ennþá eftir mig. It´s ON like Donkey Kong, Beeeeeeeeyatchhh!!!!!!!

Mikið helvíti er vond lykt af blautum fötum.

Þessi samkeppni um nöfn á tvær nýjar flugvélar er einkar skemmtileg. Spurningin er hverskonar nafni er verið að fiska eftir, þ.e.a.s. karlkyns eða kvenkynsnafni. Hentugustu karlmannsnöfnin eru auðvitað:


Andrés og Gunnar

Hlynur og Smári

Ármann og Sverrir

Halli og Laddi


Eitthvað gengur mér verr að finna nytsamleg kvenmannsnöfn, en þó gætu vel komið til greina t.d.:


Rósa og Andrea

Laufey og Líney


Ef eitt kk og eitt kvk nafn verða fyrir valinu kemur þó bara ein samsetning til greina:


Íris og Valur


Ég er ekki frá því að ég vinni þessa blessuðu keppni.

Hádí! Búbbi Brands hefur hafið blogg - og ekki seinna vænna. Tékkið á því, annars skýt ég hundinn.

Varúð!!!

Ef einhverjir lesenda halda að það sé góð hugmynd að syngja "Let´s Talk About Sex" með Salt'n'Pepa í dúett á Ölveri þá er það rangt hjá þeim. Það veit ég af biturri reynslu.

Er Úlfarsfell innan borgarmarkanna? Ég spyr því það væri fínt að losna við skítafnykinn af Framheimilinu úr Reykjavík. Til hamingju Framarar! Þið þurfið ekki að flýja eðli ykkar mikið lengur. Bráðum verður Fram orðinn sá landsbyggðarklúbbur sem hann hefur alltaf viljað vera. Fjósalyktin er af honum!!!!

Spurning: Hverjum vildi ég heldur fara með á Roskilde en Óla Palla?

Svar: Öllum.

Skellti mér á danska daga í Hagkaup og verslaði hollustufæði: Danevagn Kransekager, Samba negrakossa, Pikant smurost frá Buko (besti smurostur heims), 10 Sun Lolly Trope og svo kippti ég með einum litlum Ben & Jerry´s Cookie dough ís því það er besti ís í heimi. Mæli með þessu.

Gaman að sjá Penn hirða Óskarinn í gær þó hann hafi reyndar oftast verið betri en í Mystic River, var t.d. mun betri í 21 Grams. En svona er þetta bara og kannski var verið að verðlauna hann fyrir báðar þessir myndir eða jafnvel fyrir 3 síðustu myndirnar hans eins og raunin varð með The Lord of Ringo Starr: The Return of B.B. King. Kjaftæði. Hef reyndar ekki séð neina af þessum hobbitamyndum en skilst að fyrsta hafi verið langbest af þeim og sú þriðja síst. Auðvitað á bara að kjósa bestu mynd ársins sem bestu mynd ársins og ekkert að vera að flækja það neitt. Verðlauna allan þríleikinn! Eru engin takmörk fyrir heimsku þessa liðs? Jæja, það er ekki mitt mál og kemur mér ekki endaþarm við. Penn kemur mér hinsvegar við og er tilefni til þess að gera nýjan topp 5 lista:

Topp 5 - Bestu myndir með Sean Penn:

1. Colors (1988)
2. State of Grace (1990)
3. Carlito´s Way (1993)
4. Bad Boys (1983)
5. The Falcon and the Snowman (1985)

Taps og Fast Times at Richmont High eru kraumandi þarna undir og auðvitað fullt af öðrum myndum. Penn er nefnilega assgoti góður, sko.

Og enn af könum: Kanar eru bjánar upp til hópa og asnar. Bara að hafa þessa hluti á hreinu, sko.

Topp 5 - Tónlistarkanar sem eru leiðinlegir asnar:

1. Beck
2. Neil Young
3. Eddie Vedder
4. Usher
5. Billy Bob Thornton (örugglega jafn hrollvekjandi leiðinlegur tónlistarmaður og leikari).

Ég er í vondu skapi. Best að fá sér brauð.

Fór líka í bíó um síðustu helgi - Along Came Polly. Stórskemmtileg alveg hreint. Fólk að detta, prumpa og kúka - klæðskerasniðið handrit fyrir mig og mína líka. Mæli eindregið með henni. Alec Baldwin kemur sérlega skemmtilega á óvart, Ben Stiller er venju samkvæmt fínn og Phillip Seymor Hoffman nokkuð góður. Jennifer Aniston virðist líka vera búin að bæta á sig nokkrum kílóum og var nú ekki vanþörf á. Ég sé hinsvegar ekkert við þessa Debru Messing - leiðinda horrengla. Bryan Brown er auðvitað frábær leikari, hvernig stendur á því að við sjáum hann ekki oftar á tjaldinu. Hank Azaria gerir svosem ágætlega en mér finnst bara alltaf takmarkað fyndið þegar kanar tala með einhverjum fáránlegum hreim og ætlast til þess að það sé voða fyndið. Ameríski framburðurinn er alveg nógu hlægilegur einn og sér. Kanafífl.

Fór á Burger King í Smáralind um síðustu helgi. It sucks!!! Skítabragð af Whoppernum og ekki til majónes á svæðinu!!! Ég bað þennan vesæla enskumælandi Norðmann sem afgreiddi okkur um majónes og hann gat með herkjum tjáð mér að hann ætti einungis "garlic mayonese". Ég hélt ég yrði ekki eldri. Þar sem ég er fanatískur Burger King aðdáandi ætla ég mér að fara a.m.k. einu sinni enn og tékka á þessu. Ef ekkert majó = Fokk Burger King forever á Íslandi.

KJARRPÚNGUR

Mér líður eins og ég sé með 4 kíló af stirðnuðu hori föst í hausnum á mér. Það er ekki gaman. Til að stytta mér og lesendum aldur í skammdeginu hef ég ákveðið að rigga upp dálítilli getraun. Verðlaunin eru ekki af verri endanum; Geisladiskurinn "20 skemmtilegustu lög heims according to Kjarri Gúmm". Hljómdiskur þessi er, eins og nafnið gefur til (rass)kynna, troðfullur af góðum skít og mun væntanlega veita eiganda sínum ómælda kátínu langa lengi. Getraunin er e-ð á þessa leið:

Þegar ég var í Kvennaskólanum í Reykjavík sælla minninga átti ég það til að stíga á stokk og syngja lög í hinum ýmsu söngva- og hæfileikakeppnum. Af þessum 10 lögum hér fyrir neðan - hver 5 þeirra tók ég á einhverjum tímapunkti frammi fyrir misstórum áhorfendafjöldum?

1. Song 2 m. Blur
2. Yellow Submarine m. Bítlunum
3. Stríð og Friður m. Magnúsi og Jóhanni
4. Bömpaðu Beibí m. Fjallkonunni
5. Prumpufólkið m. Dr. Gunna
6. Herra Rokk og Fýlustrákurinn m. Dr. Gunna
7. A View to a Kill m. Duran Duran
8. Fast Car m. Tracy Chapman
9. Bless m. Sverri Stormsker
10. Hversvegna varstu ekki Kyrr? m. Pálma Gunnarssyni

Svör sendist í Klæng Sniðuga - fyrstur sendir, fyrstur fær.

A knife
A fork
A bottle &
A cork

That´s the way we spell New York

Kim Larsen er guð, goðsögn í lifanda lífi. Fjandinn hafi það ef maður fer ekki bara á einn konsert með honum í viðbót í allra nánustu framtíð. Alltaf er líka jafn gaman að koma til kóngsins Köben. Drykkjan fór að vísu lauflétt fram úr hófi í þessari stuttu ferð, en what the fuck....maður er ekki um hverja helgi í útlöndum. Ég er a.m.k. assgoti slappur og ekki frá því að ég hafi hreinlega veikst. Kemur í ljós. Missti af Survivor í gær og ætla að horfa á hann endursýndan á eftir. Ég er enn að bræða það með mér hvaða keppanda ég ætla að styðja til sigurs. Það er vissulega freistandi að halda með allsbera hommanum Richard. Hinn vitgranni Rob Mariano frá Boston er einnig vænlegur kostur og ekki síður hin gullfallegi háskólanemi Jenna. Held samt einhvern veginn að fitukeppurinn Rubert taki þetta því allir virðast vera svo vinveittir honum. Maður veit samt aldrei - það er enginn öruggur í Survivor. Lukkan getur snúist gegn þér á augnabliki. Það er þetta sem gerir þennan þátt að þeirri unaðslegu skemmtun sem hann er - hann er flókinn. Afar flókinn - sem virðist undarlegt þegar tekið er mið af því að umsjónarmaðurinn og flestir keppendurnir virðast ófærir um að stafa nafnið sitt og telja upp að fimm.

Finding Nemo er frábær mynd. Lost in Translation er líka skemmtileg. En þessa dagana hef ég aðeins augu fyrir einn - þennan hérna meistara. Flýg til Köben í fyrramálið og get því ekki kosið í H-skólakosningunum. Djöfull. Ég sem hef svo gífurlegan óbilandi áhuga á þessu. Ég mun líklega ekki geta sofið úti af áhyggjum yfir því hvort Vaka eða Röskva eða jafnvel Háskólalistinn sigri í kosningnum. Ekki skrýtið þar sem úrslitin skipta öllu máli - ekki einungis fyrir okkur stúdenta heldur alla landsmenn, og ekki einungis núna heldur einnig fyrir framtíðina. Þetta eru stjórnmálamenn framtíðarinnar. Þeir sem erfa munu landið. Salt jarðarinnar. Athyglissjúkir framapotar. Mætti ég þá heldur biðja um Hörð Torfa.

Beikon Barón

Topp 5 - Bestu myndir sem Kevin Bacon kemur fram í:

1. Diner (1982)
2. JFK (1991)
3. Stir of Echoes (1999)
4. Sleepers (1996)
5. Mystic River (2003)

Baráttan um 5. sætið var hörð milli Mystic River og Footloose. Báðar mikil vonbrigði að mínu mati. Atriðið í Footloose þegar Beikon dansar til þess að gleyma er reyndar assgoti fínt, en restin slök. Mystic River er örlítið skárri. Jú töluvert skárri.

Jó! Herra Fyrrverandi er með Popppúngsgetraun. Ég skeit á mig. Þykist þið geta betur?

Dj?fulsins veisla!!!

Jæja - þá er það komið á hreint og óþarfi að pæla meira í því:



You are going to marry Brad Pitt. He is always
friendly to anybody he ever meets and he is
very talented as an actor. He is also very
sincere and friendly. He will respect you until
the day he dies. Congrats!!


Which male celebrity are you going to marry? (now 12 (i just added more, and still more to come!)results that have pics!)
brought to you by Quizilla

Mér var að berast tölvupóstur:

"Sæl og blessuð og takk fyrir síðast þið sem mættuð í síðustu vísindaferð :)
Nú er komið að næstu vísindaferð og farið verður í Félagsþjónustuna í
Hafnarfirði næstkomandi föstudag 6. febrúar. SKRÁNING ER HAFIN Í ODDA
Mæting er í Odda kl: 16 á föstudaginn"

Það má með sanni segja að mig hreinlega verki af spenningi yfir þessu. Félagsfræðinemar kunna sko að skemmta sér!

Mig dreymdi í nótt að ég var að velja lög til að nota í bíómynd. Þetta var næstum því myndin City of God en samt ekki alveg því hún gerðist á Jamaica. Ég skemmti mér konunglega í draumnum - var að horfa á valin atriði úr myndinni og pæla í því hvaða lög pössuðu við hin og þessi atriði. Þetta hlýtur að vera besta djobb í heimi og eitthvað sem ég væri vel til í að leggja fyrir mig. En þá verð ég líka að standa mig betur heldur en í draumnum í nótt - er ekki viss um að allir yrðu sáttir við "Mývatnssveitin er Æði" með Hljómum sem upphafslagið í mynd um ofbeldisklíkur á Jamaica.

Góðir hálsar!

Stórreykingar og 15 stiga frost fara ekki vel saman. Hálsinn á mér má muna fífil sinn fegurri. Í aðstæðum sem þessum er góður trefill gulls ígildi. Það fer ekki á milli mála.

jæja komið í lag

ÞÐÆÖ

Hei hvad er ad ske med islensku stafina? Fokking blogger rusl.

allmusic.com er drullugóð síða. Kalli benti mér á umfjöllunina um "Chronic" með höfuðsnillingnum og Liverpool aðdáandanum Dr. Dre og er þar um afar fróðlega og skemmtilega lesningu að ræða. Grípum niður í reviewið hans Steve Huey:

"...none of The Chronic's legions of imitators were as rich in personality, and that's due in large part to Dre's monumental discovery, Snoop Doggy Dogg. Snoop livens up every track he touches, sometimes just by joining in the chorus ? and if The Chronic has a flaw, it's that his relative absence from the second half slows the momentum"

Sammála. Dre á þakkir skyldar fyrir að koma Snoop á kortið en hefði mátt nýta hann enn betur á þessari plötu því ég fullyrði að enginn hefur nokkurntíma verið jafn góður og Snoop á þessum fyrstu árum, ca. ´92 - ´94.

"...Snoop borrows his often-used entrance line ("bow-wow-wow-yippy-yo-yippy-yay") from George Clinton's funk smash "Atomic Dog," and ? though obviously not on the radio/ MTV edit ? debuted his signature profanity (as silly as that might sound), changing the pronunciation of the word "bitch" to something more like "be-otch." Delivered with Snoop's unconcerned, even callous cool, "be-otch" actually became a sort of national catchphrase, and was still irrevocably associated with hardcore hip-hop attitude nearly a decade later"

True dat - en "be-otch" er nú ekki alveg rétta stafsetningin held ég. Ég hef alltaf stafsett þetta "beeyatch", finnst það ná hljómnum ágætlega, þó að í teiknimyndasögunni á umslaginu á Doggystyle standi "bee-itch". Hversu oft hefur þessi "bow-wow-wow-yippy-yo-yippy-yay" lína ekki verið notuð síðan? ætli Lil Bow Wow viti hver George Clinton er?

"...Take the "eat a big fat dick" chant toward the end of the song (Fuck Wit Dre Day (And Everybody's Celebratin')), in which all three of the rappers are dissed in turn: the way Snoop pauses after "fat" the last two times, even though it's a small variation, produces one of the most memorable lines in the song"

Mikið er gaman að sjá hversu ítarlega þessi gæi hefur stúderað plötuna og sérhvert lag. Svona lagað þykir mér gaman að lesa og vildi óska þess að það væri meira af þessu. Annars er allt, allt of langt síðan ég hef hlustað á Chronic og mun svo sannarlega bæta úr því í kvöld. Ég beini því til lesenda að gera slíkt hið sama.

Nýjustu skúbb segja mér að Stöð 3 fari brátt að líða undir lok en Davidi Lettermani verið sjippað yfir á Stöð 2. Ef þetta gengur eftir þá verða allir varnargarðar brostnir: þá fæ ég mér Stöð 2 og ekkert kjaftæði með það.

Helvíti líst mér illa á þetta Survivor All-Star dæmi allt saman. Minnistæðustu þátttakendurnir úr öllum keppnunum samkomnir til að keppa sín á milli um the ultimate survivor titil. Af hverju þurfa kanar alltaf að heimskast til að eyðileggja allt með svona heimsku? Nú vita framleiðendurnir hvaða ákveðnu persónueinkenni ganga vel í áhorfendur og skipa eflaust þátttakendunum að ýkja þessi einkenni sín út í ystu æsar. Slíkt kann aldrei góðri lukku að stýra og eftir að hafa séð treilerinn úr þessu lýst mér bara hreint ekki á blikuna. Mér sýnist þetta einfaldlega vera of mikið af öllu; Jerri er alvega ofsalega vond og algjör tæfa, Rupert (sem mér fannst alla tíð þrautleiðinlegur fituhlunkur öfugt við flesta aðra sem ég talaði við sem dýrkuðu hann) er alveg ofsalega góður og feitur og hlær voðalega mikið og dátt, Colby er alveg svakalegur hönk og kynþokkinn drýpur af honum.......o.s.frv. Þetta verður ömurlegt......en ég horfi.

Guðfaðirinn

Sjitt!!!! Meinilla farinn og búinn að vera, maður! Don Brown er í rugli.

Kjarri mælir með:


Tónlist:

Tip-toe Through the Tulips m. Tiny Tim

Kvikmyndir:

21 Grams

Bækur:

Íslensk Knattspyrna 1999 e. Víði Sigurðsson

Matur:

Daloon Vorrúllur m. miklu af hrásalati (verður að vera Stjörnusalat - Salathúsið er viðurstyggð) og kryddi.

Drykkur:

Garpur

Sjónvarp:

Á fertugu - á RÚV á mánudagskvöldum

Jæja ég er kominn með kommentakerfi þannig að mér sýnist Gestur Einar vera orðinn óþarfur - hefur raunar verið arfaslappur í langan tíma og á hvíldina skilið. Ég ætla samt að leyfa honum að hanga þarna áfram í virðingarskyni. Um að gera að kommenta í Klæng Sniðuga um allt sem ykkur liggur á hjarta. Ég þarf þá líklega að fara að verða duglegri að blogga, ekki satt?

Halló

Á jákvæðari nótum þá hefur veðrið verið alveg prýðilegt síðust daga. Það er mér að þakka. Ég biðst nefnilega fyrir til veðurguðsins almáttuga, sem ég kýs að kalla Óskar, á hverju kvöldi og heimta með þjósti skaplegt veður sem hæfir mínu fatavali - eins og segir í þekktri dæguflugu. Óskar hefur tekið vel í umleitanir mínar að undanförnu og fyrir það ber að vera þakklátur, en ef hann býður upp á frost og snjó aftur á næstunni mun ég buffa hann.

Einnig mæli ég með því að fólk lesi frábæra grein um karaokeklúbbinn Kalla í DV í dag. Ég er stofnmeðlimur í klúbbi þessum og virkur þátttakandi (karaokenefnið mitt er Viggó fyrir þá sem velta því líklega fyrir sér við lestur greinarinnar) en ég bað kurteisislega um að ekki yrði birt mynd af mér í tengslum við greinina. Hinsvegar birtust fínar myndir af Ölla, Val og Kalla. Tékkið á því!

Íslendingar ræptu á sig í fjandboltanum í gær eins og búast mátti við. Þeir munu skíttapa fyrir Ungverjum en líklega merja Tékka. Þetta eru nú meiru aularnir. Að sjálfsögðu ættu þeir að vinna Evrópukeppnina með annarri hendi miðað við áhugann sem ríkir á þessari ekki-íþrótt hér á landi og algeran skort á áhuga í öllum öðrum siðmenntuðum löndum. Ísland er eina landið í heiminum sem tekur þessa bjánalegu vitleysu alvarlega. Ekkert að því svosem - en þá eiga þeir líka að vinna keppnir. Vesalingar.

Hvernig er það, var ekki Burger King á leiðinni til landsins? Ég er orðinn óþreyjufullur. Hvernig majones ætli þeir komi til með að nota? Ætli þeir fari að fordæmi baunanna og flytji inn besta majó í heimi - hið þýska Kraft Salatmajones? Það væri óskandi. Ef þeir nota þá majónes yfirleitt. Íslendingar virðast upp til hópa ekki kunna að meta majónes. Hálfvitar. Þurfa að blanda saman majó og tómatsósu til að geta étið það. Fífl. Ef mér verður boðið upp á Whopper með hamborgarasósu eða einhverjum fjandanum drep ég einhvern. Hamborgarasósa er ógeð. Pítusósa er hinsvegar góð - þ.e.a.s. sú sem er á veitingastöðunum. Sú sem fæst úti í búð er ekki að kötta það.

ÁSTIN FISKANNA

I have been given the gift of blog. Tölvan mín er biluð. Árans tölvan. Ég sem var í þunn mund að fá mér fría þriggja daga reynsluáskrift að tonlist.is og hlakkaði svo til að ná mér í Jóa Útherja með Ómari Ragnarssyni. Ég er orðinn nokkuð viss um að Valdimar og Diddi eru samkynhneigðir því þeir gera lítið annað en að nudda sér hvor utan í annan og éta kúkinn úr hvor öðrum eins og sannra homma er siður. ég þarf að fara að drífa í því að berja þessu vitleysu úr þeim - kynvilla gæti orðið að tískufyrirbrigði í búrinu þeirra eins og bláar gallabuxur hjá okkur mannfólkinu. Handbolti tranbolti. Spái því að við merjum frændur okkar Slóvena í kvöld með einu marki en fretumst svo til að ná jafntefli við Ungverja. Frændur okkar Tékka sigrum við auðvitað stórt. Tékkið á því! Svo er auðvitað stórleikur ársins í enska boltanum á laugardaginn kl. 17.30 - Liverpool gegn Newcastle í bikarnum. Sýndur í flestum betri rottuholum. Ætlaði að skella mér á 21 Grams í bíó um helgina en sé svo ekkert um hana á kvikmyndir.is. Hélt það ætti að frumsýna hana á morgun eða hinn. Hvaða hvaða? Jæja, eflaust hundleiðinleg mynd hvort eð er - Sean Penn grenjandi eins og kelling í 90 mínútur. Líst ekkert á hvað hann er orðinn mikill eymingi upp á síðkastið. Þarf að drífa í því að berja þetta úr honum.

Kjarri mælir með:


Tónlist:

Long haired Lover from Liverpool m. Jimmy Osmond

Kvikmyndir:

The Last Samurai

Bækur:

Mötley Crue : The Dirt e. Mötley Crue og Neil Strauss

Matur:

Fransbrauð m. hangakjeti og eggjasalati

Drykkur:

Melroses te

Sjónvarp:

Maður á Mann : Hrafn Gunnlaugsson. Verður endurtekið út vikuna

Hrikalega er maður eitthvað soðinn og steiktur og freðinn. Var að fatta rétt í þessu að Sugababes eru leiðinni til landsins í apríl meðan allir aðrir vissu af þessu fyrir helgi. Takk fyrir að láta mig vita fíflin ykkar. Allavega, þetta eru bestu fréttir sem ég hef fengið í áratugi - Sugababes er líklega eftirlætis starfandi hljómsveitin mín í dag og ég mun svo sannarlega mæta í Höllina trylltur af stuði, enda varla til betri stuðsveit í heiminum í dag. Ég einfaldlega elska Sugababes.

Í öðrum fréttum: Ég braut búrið þeirra Valdimars og Didda. Ekki lumar einhver á svona lítilli kúlu til að hafa fiska í? Ekki??? Nei ég hélt ekki.

Óvenju góður þáttur af Judging Amy í kvöld; öll helstu vandamál nútímasamfélagsins tækluð á sannfærandi hátt, þrír úbersvalir ungir menn frá Súdan í aukahlutverkum og hörkugott væmið lokaatriði þar sem hið frábæra lag Into the Mystic með Van Morrison var spilað undir. Öldungis æðisgenginn þáttur; hefði hann endað á því að þessi hundleiðinlega félagsráðgjafaamma hefði hengt sig hefði hann verið fullkominn.

Ég heita Halim Al
Ég vera spinnegal

Ísak Halim Al er 49 ára í dag.

Frívaktin óskar honum innilega til hamingju með áfangann.
Lifðu í lukku en ekki í krukku Halim.

Halim Al - við viljum fá þig inn í sal
Halim Al - já þú ert ótrúlega sval - ur.

Fiskarnir mínir tveir eru treggáfaðir og gera ekkert annað en að stara hvor á annan heimskum augum, éta, skíta og ef sérlega vel liggur á þeim þá borða þeir kúkinn úr sjálfum sér og hvor öðrum. La Vita Bella. Hélt þeim smá skírnarveislu áðan og gaf þeim aukaskammt af fiskamat - þeir heita Valdimar Örn og Diddi Fiðla blessaðir drengirnir. Nýr fastur liður:

Kjarri mælir með:

Tónlist:

One More Cup of coffee m. Bob Dylan

Kvikmyndir:

Drugstore Cowboy

Bækur:

Þetta eru asnar Guðjón e. Einar Kárason

Matur:

Pizza m. pepperoni og rjómaosti frá Devito's

Drykkur:

Egils ananas þykkni - sterk blandað

Sjónvarp:

Boston Public - á hverjum virkum degi um kl. 1 eftir miðnætti á Skjá 1

Áramótaskaupið sökkaði svo óþyrmilega illa að manni brá. Mætti ég þá heldur biðja um Hörð Torfa.

Jæja, ég tapaði í Popppunkti á tómu svindli eins og allir með viti sáu greinilega. En minn tími mun koma. Ég vil nota tækifærið og óska öllum lesendum innilega til hamingju með nýtt ár og þakka fyrir gegndarlausa þolinmæði í minn garð á árinu sem er að líða. Ég lofa því að ég mun verða ofurbloggari á nýju ári, enda loksins kominn með mína eigin tölvu og þarf ekki að treysta á guð, lukkuna eða opnunartíma Melaklepps lengur. Eins og mér er illa við jólin hefur mér alltaf verið heldur hlýtt til gamlárskvölds. Rakettur. Raggeitur. Áfengiseitrun. Stuðið flæðir yfir skerið. Lifið í lukku en ekki í krukku.

Kveðja,

Matthías Jochumson

What Classic Movie Are You?

Núna á ég tölvu, dvd tæki og tvo gullfiska.

Jesus was a black man

jesus was batman

Stóru-brandarajól

Brandari 3:

Hvert er eftirlætis sælgætistegund Les?

Svar: Lindubuff

ho ho ho

Búinn í prófum. Guð almáttugur lofi jesú á þessum drottinsdegi. Mig langar í Best of Ruth Reginalds í christmas gjöf.

Stóru-brandarajól

Brandari 2 (þessi á rætur sínar að rekja til Sigga H sem sagði hann í unglingavinnunni í Austurbæjarskóla sumarið 1991):

Hvað er ógeðslega stórt og ógeðslega ljótt og stökkbreytist endrum og eins í zebrahest?

svar: Þormóður Egilsson

hí hí

Þess má geta að téður Þormóður var verkstjórinn okkar þetta sumar og heyrði brandarann jafn vel og við hin. Hann tók þessu gríni vel eins og við mátti búast enda sannkallaður öðlingur þar á ferð.

Prófin búin i morgen. Húllalúllalæ, gobbeddígobb, dúmmaddadúmmaddadúmmadúmm.

Stóru-Brandajól hvað? Jólin í ár verða stóru-brandarajól hjá mér. Einn á dag - segi það og skrifa.

Brandari 1:

Hvað er hvítt og situr grenjandi úti í horni með leðju í brók?

svar: David Beckham

he he he

Nýr brandari á morgun. Stay black.

"Dragið hreint fyrir næsta mann".

Ætli það sé ein svona helvítis handklæðadolla eftir á landinu sem virkar - þ.e.a.s. að maður hafi þann möguleika að hlýða beiðninni um að draga hreint fyrir næsta mann ef manni sýnist svo? Um það efast ég. Stórlega.

Mig blóðlangar að sjá 3 myndir í bíó - City of God, Wonderland og Helga Hó. Það verður nóg að gera á fimmtudaginn kemur. Svo sýnist mér vera að rofa til i tölvumálum. Fyrsta lagið sem ég mun downloada: Iko Iko (gömlu útgáfuna).

Hvaða ómenni setti inn komment í Gest Einar undir nafninu katrin.is? Ég var að skrifa henni bréf - hún kannaðist ekkert við þetta og heldur núna, eða veit, að ég er brjálæðingur. Sökudólgurinn vinsamlegast gefi sig fram - ég vil ekkert endilega berja viðkomandi illa heldur aðallega finna út hvort þetta var sjálf Katrín eða einhver tölvugrínari. Fyndinn djókur, samt.

Men´sker bliver spist i Polynesien.
Hulalulalej, hulalulalej.

Einn er sá drykkur sem aldrei mun dala
Svo déskoti góður menn drekk´ann úr bala
Auðvitað vit´allir um hvern ég tala
það er ekk´um annað að ræða en............?

Gettu nú!!!

Nú er vika í að prófin klárist. Ég er þegar búinn að ákveða nokkra hluti sem ég ætla að gera þá, m.a. að:

- hlusta á "Í Skugga Morthens" með Bubba á hæsta styrk og syngja með...

- fá mér kaffibolla á Kaffivagninum niðri á höfn og reyna að fá að kaupa af þeim einn bolla sem er merktur Kaffivagninum...

- fara í Vesturbæjarlaugina og eyða þar a.m.k. 3 klst...

- búa til eggjasalat...

- fá Val, Ölla og Sigga með mér í Trivial Pursuit. Ekki væri verra ef það væri Trivial Pursuit 80´s sem ku vera á kreiki í bænum...

- sjá myndina um Helga Hóseasson í bíó, þ.e.a.s ef enn er verið að sýna hana - hef ekki séð bíóauglýsingar í marga mánuði...


Ljómandi verður gaman þá - dúndrandi gleði og glaumur. Rokk um alla blokk!

"Skín í rauða skotthúfu........" Frábær auglýsing. Af hverju eru allir að pirra sig svona á þessu? Mér finnst þetta bara ósköp sætt. Lagið er líka gott. A.m.k. betra en 99,9 % af þessum viðurstyggilegu jólaauglýsingum sem ætla mann lifandi að drepa um hábjartan dag í skammdeginu. Áfram Malt og Appelsín!

"Umframframleiðsla" er fáránlegt orð. Af hverju ekki að stytta það í "umframleiðsla"? Það væri helvíti töff. Er einhver hætta á að nokkur maður myndi misskilja þetta á nokkurn hátt? Ég ætla að skrifa "umframleiðsla" á prófinu og gerast þannig íslenskufræðilegur frumkvöðull og heimsfrægur nýyrðasmiður. Hefur einhver eitthvað við það að athuga? HA??? Já komiði bara bölvaðir, ég skal sýna ykkur.....

"Það er ekki möguleiki að neinn fari í janúar. Við þurfum á öllum að halda vegna allra meiðslanna. Það eru meiri líkur á því að blaðamaður spili með Manchester United en að Bruno fari til Grikklands." - segir Gerard Houllier. Ég er farinn að fá það illilega á tilfinninguna að maðurinn sé ekki bara froskur og gjörsamlega vanhæfur stjóri heldur sé hann á einhvern hátt geðfatlaður líka.

Að öðrum málum:

Eins og flestir nema þeir sem eru fífl vita er ég fluttur á Stúdentagarðana. Þar býðst mér frí ADSL nettenging með öllum þeim lúxus sem henni fylgir, t.d. að geta downloadað tónlist frá morgni til kvölds og lengur ef þurfa þykir. Meinið er að ég á enga helvítis tölvu sem nettenging virkar í. Ég á skjá og lyklaborð og allt það en vantar bara kassann. Þetta þarf ekki að bera neitt dúndur stöff heldur bara þannig að ég geti fengið netið (kann ekki að orða þetta á tölvumáli). Ef einhver veit um eitthvað á góðu verði má sá hinn sami endilega hafa samband. Fundarlaunum heitið.

Katrín.is er líka damn fine. Katrín er eftirlætis nafnið mitt.

Habbasonna. Traust, gæti orðið traust. Gleðileg jól, öll saman.

Var í Popppunkti á þriðjudaginn. Þátturinn verður ekki sýndur fyrr en í kringum jólin þannig að... meira um það síðar. Núna: prófalestur! Vúppídúúú. Katrín varaformaður vinstri grænna er foxy lady.

Jólaboðskapurinn